४ भदौ बारा । बारामा लागुऔषध सहित दुईजना भारतीय नागरिकलाई बसतपुर प्रहरी चौकिले पक्राउ गरेको छ ।
आज बिहान करिव ७:३० बजे कलैया उप -महानगरपालिका २० स्थित गण्डक नहरबाट पक्राउ गरेको हो ।
भारतबाट नेपालतर्फ BR30R 9391 को मोटरसाइकलमा आउदै गरेको भारत बिहार मोतिहारी जिल्ला थाना महुआवा ग्राम पञ्चायत कोरैया वडा नम्बर १ का ३२ बर्षिय चन्दन मिश्रा र सोही ग्राम पञ्चायत वडा नम्बर २ का २५ बर्षिय धर्मजित कुश्वाहालाई चेकजाचको क्रममा पछाडी पिठयूमा बोक्ने झोलामा लुकाएर ल्याएको लागुऔषध सहित पक्राउ गरिएको जिल्ला प्रहरी कार्यालय बाराले जनाएको छ ।
उनीहरूको साथबाट डाईजोपाम इन्जेक्सन ६०० पिस,नुरफिन ६०० पिस र नाईट्रोभेट टयाबलेट ३०० पिस बरामद गरिएको प्रहरीले जनाएको छ ।
उनीहरूलाई जिल्ला प्रहरि कार्यालयको हिरासतमा राखी आवश्यक अनुसन्धान भइरहेको छ ।
